Таравари во Емиратите, бара инвеститори за македонското приватно здравство
Министерот за здравство Арбен Таравари при посетата на Обединетите Арапски Емирати објави дека се разгледуваат можности „Бурџил Медикал Сити“ и „PureHealth“ да инвестираат во македонското приватно здравство.
Тој оствари средба со д-р Муџтаба Али-Кан, извршен директор на ,,Бурџил Медикал Сити", на која, како што објави Министерството за здравство, се разговарало за функционирањето на приватниот здравствен систем, размена на искуства меѓу лекарите од двете земји и практикување на најдобрите искуства во современата медицина.
-Одлични се можностите кои овој болнички центар ги нуди за пациентите. ,,Бурџил Холдингс" е лидер во приватното здравство во ОАЕ и на Блискиот Исток. Има значителен интерес за инвестирање во приватно здравство во Македонија, истакна министерот.
Во „PureHealth“ во Абу Даби тој оствари средба со Мохамед Ал Зааби, одговорен за инфраструктура и проекти. На средбата биле разгледани можностите за инвестиции во здравствениот систем на Македонија, со користење на искуствата на „PureHealth“.
- „PureHealth“ е најголемата интегрирана здравствена мрежа во Обединетите Арапски Емирати и Блискиот Исток, која опфаќа повеќекатегориски систем што вклучува болници, клиники, дијагностика, осигурување, фармација, здравствена технологија, набавки и други сегменти, објави министерството.
Слично
Поврзани вести
