Министерот за здравство, Арбен Таравари денеска изјави дека ќе има интензивни кадровски смени, но постепено. 

Од Министерството за здравство вчера најавија 33 разрешувања и поставување на нови директори. Но, поставени се само четири нови директори на здравствени установи.

„На крај ќе бидат 50.  Денеска се сменети 4“ - вели Таравари.

Во моментов вели се во игра повеќе имиња, но министерот не открива детали. 

Партиската припадност е интимна работа, вели министерот и додава дека бараат добри кадри. 

Вчера заменикот министер, Гоце Чакаровски изјави дека до крајот на неделава сите здравствени установи ќе имаат нови директори.

Од ВМРО-ДПМНЕ вчера реагираа дека овие смени се незаконски и на штета на пациентите и здравството.