Арбен Таравари чија официјална, но симболична промоција како нов министер за здравства беше прекината вчера поради нападот врз Тодоров, денес ја посети тетовската клина за која вели дека најмногу и се потребни инвестиции. 

Токму затоа и оваа прва посета на новиот министер за здравство не е случајна, при што Таравари упати и серија критики на адреса на неговиот претходник Тодоров кој го посочи како виновник за проблемите во здравството. 

Таравари вети промени во здравството и регулирање на односот лекар-пациент и не ја исклучи можноста за промена на директорите на болниците. Тој рече дека овие промени ќе се реализираат во период од 4 до 5 месеци, и дека за таа цел ќе се формира посебна комисија.