Смртта на Ведат Адеми ќе ја истражува експертски тим, а за тоа наредба дал лично министерот за здравство Арбен Таравари. 

Ведат Адеми е роден во 1992 година, а починал завчера, и според сведоштвото на неговиот татко, смртта настапила од анафилактичен шок во болницата во Куманово, по примена терапија, иако во здравствена книшка стои дека е алергичен на аналгин.

На социјалните мрежи не стивнува револтот од смртта на Адеми. 

Ова меѓудругото го пишува во објавата на социјалните мрежи за смртта на кумановецот за кој денеска изјава имаше и министерот за здравство, Арбен Таравари.

„Ова е Ведат Адеми, роден во 1992 година. Почина на 17.03.2025 година. Според сведоштвото на татко му - од анафилактичен шок во болницата во Куманово по примена терапија, иако во здравствена книшка стои дека е алергичен на аналгин. Дали е важно од која ‚власт' е докторот и дали од тоа зависи дали ќе одговара?!“, стои во еден од статусите објавен на социјалната мрежа фејсбук. 

„Јас сум на првата линија на кочанската трагедија и срцето ми е скршено деновиве, а за Ведат беше уште еден удар… Изразувам сочувство до семејството! Ја чувствувам болката на неговиот татко, кој со свои нозе го однел синот во болница! Го разбирам неговиот револт кон докторот за кој се сомнева дека направил лекарска грешка! Наредив експертски тим од Министертвото за здравство да ги разгледа сите факти и доколку тоа се докаже, ги повикувам правосудните органи строго да го спроведуваат законот! Без никаков компромис бидејќи грешките ни ги земаат најскапоцените работи…“, додава Таравари.

„Ми го земаа синот две минути, веднаш го прегледа, бидејќи имаше болки сам застана, но додека го одведов да му дадам вода од чешмата за да се излади, син ми отиде“, раскажува тој.

Вели дека последните зборови на синот биле следниве: „Тато, ме убија!“.