Досегашниот градоначалник на Гостивар, Невзат Бејта од ДУИ, кој изгуби на изборите, најави дека се повлекува од политиката. Тој им се заблагодари на сите оние кои гласале за него и му ја честиташе победата на Арбен Таравари од „Алијанса за Албанците“.

Тој објави дека ќе се повлече од политичкиот живот на неопределено време.

„Ако јас сум потребен за мојата држава и моето општество, и ако бараат граѓаните јас ќе се ангажирам во политиката. Моето општество има инвестирано многу во мене за да работам за граѓаните“ - вели тој. 

Во вториот круг на локалните избори вчера, Бејта освои 15.955, а Таравари 16.920 гласа.

Новиот градоначалник на Гостивар, Таравари најави ревизија на работата на Бејта.

Таравари рече дека има сомнеж за многу „нечисти работи“ во општината и сака да види прво какви се состојбите внатре во општината.