Воопшто не е добро кога се напаѓа најважниот стратешки сојузник на Северна Македонија, САД. Нападот врз воени бази на САД со можни жртви е напад врз САД, вели во „Утрински брифинг“ на „Слободен печат“, Дане Талески, советник за надворешна политика на премиерот и кандидат за амбасадор на Северна Македонија во НАТО.

Тоа повлекува вклучување на членот 5 од Вашингтонскиот договор, кој што вели „еден за сите, сите за еден“, односно ако една членка на НАТО е нападнати се сите.

„Иран треба добро да размисли како ќе се постави во оваа ситуација“, изјави за Утрински брифинг Дане Талески, советник за надворешна политика на премиерот и кандидат за амбасадор на Северна Македонија во НАТО, во врска со последните настани на релација Иран – САД.

Интересно е како по најновиот развој на настаните околу САД и Иран официјално ќе реагираат македонските власти.