Талат Џафери, претседателот на Собранието, не го прифати барањето на Драган Данев, координаторот на пратеничката група на опозицијата, лидерот на ВМРО-ДПМНЕ Христијан Мицкоски да се обрати од говорницата. 

Претседателот на ВМРО-ДПМНЕ не е пратеник и според тоа не може директно да учествува на расправата за уставни измени во согласност со Спогодбата од Преспа.

- На седница можам да поканам претседател на Влада, претседател на републиката, министри и овластен предлагач на закон поддржан од најмалку 10 пратеници. По кој основ, по кој услов да го поканам Мицкоски. Не сум добил ни барање од никого. Не е до мене, едноставно - рече Талат Џафери.

Претходно ВМРО-ДПМНЕ порачла дека претседателот на законодавниот дом “може да покани на седницата на Собранието да присуствуваат и во работата да учествуваат претставници и на други органи и организации“.

- Мислам дека треба да му овозможите на Мицкоски да се обрати пред граѓаните и јавноста - му возврати Данев.