Законското решение во Изборниот законик што им овозможува на граѓаните да гласаат со истечени документи до 9 месеци пред денот на изборите, за премиерот Талат Џафери е селективно, парцијално и ќе треба да се подобри. 

Според него, решението не е фер за граѓаните кои на денот на изборите ќе имаат истечени документи повеќе од 9 месеци и нема да можат да гласаат. Согласно законското решение, изгласано на вчерашниот ден, на овие избори граѓаните ќе можат да гласаат со лични карти или пасоши со истечен рок на траење не повеќе од 9 месеци пред денот на изборите, што значи, со пасоши со истечен рок до 24 јули 2023 година. , односно 8 август 2023 година.

„Решението е делумно, не е целосно. Практично јас и ти, ако имаме документи што истекле 9 месеци пред 24 април, ќе гласаме на 24 април, но што ќе правиме на 8 мај? Затоа што ќе биде подолго од 9 месеци. Всушност, сакајќи да избегнеме исклучок, правиме друг исклучок. Така што решението, доколку се одлучи да се направи со закон, треба да биде отворено за да можат граѓаните да гласаат со истечени документи, без разлика кога им истекол рокот на документите. Убеден сум дека ќе се обратат во Владата да бараат решение за документите на кои им е истечен рокот повеќе од девет месеци“, изјави Џафери.