„Службен весник“ во Скопје и официјално ја објави одлуката за избор на Талат Џафери како нов претседател на македонскиот парламент. 

На официјалната страна на Службен весник пишува дека во базата на прописи од „Службен весник“ на РМ бр.53 од 08.05.2017 се објавени неколку прописи меѓу кои и одлуката за избор на претседател на Собранието на РМ.

Талат Џафери беше избран на 27-ми април од пратениците од Социјалдемократскиот сојуз и од албанските партии. По изборот дојде до тепачка откако демонстранти упаднаа во зградата на парламентот. При инцидентот настрадаа над сто лица - пратеници, функционери на администрацијата, полицајци и новинари.

Партијата на Никола Груевски, ВМРО-ДПМНЕ го смета изборот на Џафери за незаконски и спротивен на Уставот, законите на земјата и Правилникот за работа на парламентот.