Седница за избор на Талат Џафери за собраниски спикер ќе има кога ќе бидат доставени потребните потписи од пратеници за поддршка на предлогот за претседател на Собранието. 

Продолжението на конститутивната седница на која тебаше да се реизбере претседавачот и претседател на минатиот собраниски состав Џафери нема да се одржи денеска. 

Некои од пратениците велат дека тоа ќе се случи најверојатно утре. Од Кабинетот на претседателот на Собранието повторуваат дека официјално продолжение на седницата немало закажано, а за тоа дали ќе биде закажана утре ќе зависи од тоа дали ќе бидат доставен предлог потпишан од најмалку дваесет пратениците за избор на прв парламентарец.

Претседателот на ДУИ, Али Ахмети синоќа најави дека денес Џафери ќе биде избран за спикер. 

Џафери ќе биде старо - нов претседател на Собранието.