Во преговорите за името Македонскиот јазик мора да се евидентира исто како што е запишан во Обединетите Нации, односно – Macedonian, истакна денеска првиот човек на МАНУ, Академик, Таки Фити, додека говореше за прашањето околу спорот за нашето уставно име.

„Не можеме ние да прифатиме и тоа е став на МАНУ, кога се зборува за јазикот на земјата да се пишува на латиница и да се изговара онака како што ние го изговараме македонски. Тој мора во ОН да биде формулиран како „Macedonian language“. Тоа е став што навлегува во суштинските идентитетски прашања и тука нашите сугестии до Владата се апсолутно јасни и цврсти.

Канал 5 претходно објави дека јазикот „македонски“ ќе остане непроменет и истото ќе се договори на Самитот ЕУ - Западен Балкан во Софија.