13 февруари 2019 година ќе остане запаметен како датум кој зави во црно безмалку 16 семејства. 

Во автобуска несреќа животот го загубија 16 лица. И стари и помлади. Сите на пат кон дома.

Истрагата сега ќе гони седуммина. Меѓу нив се и сопственикот на компанијата Дурмо Турс но и возачот кој ја преживеа страотната незгода.

Скопското обвинителство го стокми обвинението а согласно тоа притвор се бара за шестмина од седуммината обвинети.

ОЈО заклучи дека ниту газдата ниту одговорниот за возниот парк не воделе никаква контрола врз автобусите. 

Знаеле дека автобусот е технички неисправен но тоа не ги спречило да го повлечат од употреба.

Возачите пак меѓусебно се договарала кој колку часа и каде ќе возат а нивни соучесници се тројца вработени во станицата за технички преглед кои минатиот јули утврдиле дека кочниците се неисправни а тоа не го запишале во записникот а на следниот технички преглед воопшто кочниците не биле дел од нивната проверка.

Возачот ќе одговара пред лицето на правдата бидејќи возел со брзина поголема од дозволената при што директно изгуби контрола и однесе во смрт 16 патници.

Засега привор не се бара за контролорот кој бил задолжен за работата на тахографот. Тој како дел од ова обвинение издал потврда дека тахографот е исправен и покрај тоа што знаел дека има вграден уред за манипулација.