Е.А.(25) од гостиварското село  Врапчиште, вчера попладне пријавила дека околу 16 часот во домот на нејзините родители во Врапчиште, каде престојувала со двете малолетни деца, дошле свекорот А.А. (49) и свекрвата со намера да ги земат децата од нивниот починат син. 

Набрзо започнала меѓусебна вербална расправија во која учествувала и мајката на Е.А, која прераснала во мешаница, а во која свекорот А.А, според нејзиното кажување, извадил пиштол и ја удрил и повредил по главата.

За кусо време на местото пристигнале полициски службеници на СВР Тетово-Полициска станица Гостивар. А.А. е лишен од слобода, одземен му е пиштол „ТТ“ со рамка со 7 куршуми, кој го поседувал без дозвола и по целосното рачистување на сите поединости, а во координација со јавен обвинител, ќе се соочи со соодветен поднесок.