Свадбите одамна се забранети, но некои граѓани како да не можат да разберат дека во земјава не е дозволено групирање на поголем број лица, поради превенција од ширење на коронавирусот.

Свадба со дури 120 гости вчера била организирана во угостителски објект во селото Добридол гостиварско. 

Овој настан бил откриен од МВР и Пазарната инспекција.

„На 01.11.2020 во 18.50 часот во Полициското одделение Галате било пријавено дека во угостителски објект во с.Добридол, гостиварско, сопственост на М.И.(33) од ова село, била организирана свадбена веселба од М.И.(55) од с.Врапчиште, гостиварско, на која присуствувале околу 120 гости. Полициски службеници во содејство со Државен пазарен инспекторат излегле на местото на настанот и објектот бил затворен, а ќе следат и  соодветни поднесоци“, соопшти Министерството за внатрешни работи.