Суспендирани полицајци кои примиле поткуп
Кривична пријава за примање поткуп добија полициски службеници од СВР Куманово, информираше министерот за внатрешни работи, Оливер Спасовски.
МВР поднесе кривична пријава и ги суспендира полициските службеници Д.Д. (24) и Е.С. (29) од Полициската станица за безбедност на патниот сообраќај при СВР Куманово поради постоење основи на сомнение дека сториле кривично дело „примање поткуп“ по член 357 став 1 од КЗ на РСМ.
„Ги повикувам сите граѓани да се охрабрат и да ги пријавуваат ваквите случаи. Ред, правда, дисциплина!“, порачува Спасовски.
Претходно, беше откриена група која давала возачки дозволи без полагање на возачки испит, а во случајот беа вмешани и полициски службеници.
Слично
Поврзани вести
