Владата денеска објави публикација по повод 100 дена од работата во која се наведуваат сумираните резултати од она што го направиле сите министерства поединечно.

„Резултатите се постигнати после исклучително сложена и кризна ситуација во нашата земја. Со новата влада во РМ почна нова ера во целосно нова политичка околина во која доминира транспарентноста, одговорноста и политиката која е од интерес за сите граѓани“, се наведува.

Се додава дека мерките на штедење кои се зацврстени во ребалансот покажуваат зголемен прилив на средства во буџетот.

Меѓудругото се потсетува дека е тргната и ознаката на тајност од сите документи кои се однесуваат на трошење на народните пари.