Неосновани се барањата на СЈО. 

Ова е образложението на судот по жалбата на СЈО за одредување мерки на претпазливост против три лица опфатени во предметот во јавноста познат како „Трезор“.

„Решението на судијата на претходната постапка се потврдува и жалбата на СЈО за определување мерки на претпазливост за сите три лица се одбива како неоснована“, пишува во краткото образложение на Основниот суд.

Под кодното име „Трезор“ Специјалното јавно обвинителство отвори истрага по сомнение за проневера на вкупно 862 045 евра за набавка на опрема од странство за потребите на Петтата Управа. За злоупотребата се товарат  тројца вработени во УБК и еден во МВР за кои СЈО смета дека проневериле државни пари за лично богатење.