Судир во владината коалиција: Минчев му порача на Меџити дека нема да вработува паушално
Министерот за јавна администрација, Горан Минчев, упати официјална реакција до министерот за животна средина Изет Меџити, по објавата на вицепремиерот дека ќе се вработат две-три илјади Албанци за обновивање на работни места.
„Изјавата на вицепремиерот Меџити на партиски настан за масовни вработувања во јавната администрација во период од една година е класичен пример на предизборен популизам, без никаква правна или институционална основа.
Оттука, би го замолил г-динот Меџити да не се однесува како Алиса во Земјата на чудата, ветувајќи нешто што ниту е реално, ниту е возможно без кршење на законските процедури и принципите на доброто управување.
Јасно и недвосмислено потенцирам дека сите вработувања во јавниот сектор во моментов се одвиваат исклучиво според потребите на институциите, врз основа на претходно добиени согласности од релевантните институции и во согласност со Законот за вработени во јавниот сектор и Законот за административни службеници.
Секое вработување се заснова на принципите на компетентност, стручност и професионална подготвеност на кандидатите, а не на партиски ветувања или политички притисоци.
Министерството за јавна администрација е цврсто посветено на почитувањето на мерит системот, што значи дека вработувањата и унапредувањата во јавниот сектор мора да се темелат исклучиво на квалитетот и способностите на кандидатите, а не на нивната етничка или политичка припадност.
Политиката на популистички вработувања не само што би го нарушила интегритетот на администрацијата, туку и би ги загрозила реформите кои имаат за цел создавање ефикасна, професионална и деполитизирана јавна администрација. Јавниот сектор не е предизборен пазар каде што се раздаваат работни места во замена за политичка поддршка.
Граѓаните на Република Македонија заслужуваат институции кои работат професионално и транспарентно, а не администрација изградена врз база на популистички ветувања.
Затоа, апелирам на одговорност и реален пристап кон јавните политики, а не на нереални ветувања кои служат само за собирање политички поени во пресрет на изборите“, порача кавно Минчев.
Претседателот на Демократското движење на партискиот настан по повод основањето на огранокот во Шуто Оризари истакна дека за една година Владата ќе реализира повеќе вработувања отколку што се направени во двата претходни мандати од другите албански политички субјекти.„За прашањето за вработување, за една година ќе отвориме онолку работни места колку што направија во два мандати, осум години во Владата. „Значи, ќе има стотици, ако не и 2-3 илјади Албанци во државната и јавната администрација и секаде каде што има потреба од обновување на тие работни места, со што ќе се отстрани пречка и проблем за нашите граѓани, за да не заминат во странство и да не ја гледаат својата перспектива надвор од државата“, рече Меџити.
Слично
Поврзани вести
