Вчера во судницата на Основен кривичен суд Скопје, лоцирана во комплексот „Идризово“, почна судењето за трагичниот пожар во Кочани. Судскиот совет ќе го предводи судијката Диана Груевска Илиевска, а нејзин заменик ќе биде судијата Ахмед Идризи заедно со четворица поротници (еден е резервен). 

Името на судијката се поврзува со големи случаи во минатото. Таа станала судијка во 2006 година, а пред да стане судија, работела како стручен соработник во судот 17 години. 

Работела на предмети како Ласкарци - случајот со автобуската несреќа во кој загинаа 16 лица и 37 беа повредени. Нејзиното име се поврзува и со предметот „27 април“ и „Поткуп“ - предмет против екс премиерот Зоран Заев, а му судеше и на екс премиерот Владо Бучковски за набавката на резервни тенковски делови.