Судењето за „Пуч“ одложено - ќе продолжи на 1 ноември
Судскиот процес за случајот „Пуч“ се одложи за 1 ноември.
Нема поротник и не може да се комплетира Судскиот совет, соопштија од судот. Во судницата беа присутни сите обвинети, како и обвинителката Катица Јанева.
Меѓу обвинетите се лидерот на СДСМ, Зоран Заев и поранешниот разузнувач, Зоран Верушевски.
„Ова што денеска се случи во Кривичниот суд е доказ како ова институција се држи под контрола на власта. Судењето се одложи бидејќи судот не му доставил покана на Груевски, а за да го покрие неговото неприсуство, рекоа дека се разболел поротник“ - изјави Заев.
Јанева вели дека непотребно процесот се одолговлекува.
„Реагирав на одлуката на судот да не го повика мојот сведок Груевски. Исто така реагирам и за тоа што не ви беше дозволено на вас новинарите да влезете внатре. Се надевам дека ќе присуствувате на наредното рочиште“ - кажа Јанева.
Во „Пуч“, за неовластено прислушување се обвинети Заев, Верушевски, поранешен прв човек на ДБК, неговата сопруга Соња Верушевска, Ѓорѓи Лазаревски, поранешен вработен во МВР и струмичанецот Бранко Палифров.
Слично
Поврзани вести
