За време на судењето на насилниците кои беа дел од крвавиот четрвток 27 април, група од 30 тина нивни поддржувачи дојдоа да протестираат пред Суд.

Причината поради која тие протестираат е поддршка на тепачите на пратениците.

Со себе носеа транспаренти на кои со огромни букви пишува „Верував во се, но не дека моите ќе ми судат за Македонија“ и „Слобода за патриотите, затвор за предавниците на Македонија“, „Македонија на Македонците“.

Сепак рочиштето се одложи за 23 мај. Во судница не дојде еден од учесниците кој е во куќен притвор.

Претседателот синоќа Ѓорге Иванов во телевизиско интервју предложи амнестија за насилниците за и онака благите кривични дела за кои ги обвини обвинителството на Марко Зврлевски. Иванов не спомна за тешките повреди и психички трауми што ги предизвикаа насилниците кај пратениците, новинарите и собраниското обезбедување, не спомна ни збор дека организирано, со помош на пратеници од ВМРО-ДПМНЕ беа пуштени во Собранието и однесени точно каде треба да кршат и маваат, туку рече дека нивните дела повеќе биле израз на емоции.

Фото: А1он