СДСМ инсистира власта да ги спроведе нивните предлог мерки за намалување на аерозагадувањето.

Од партијата денеска го надополнија списокот со предлози за локална и централна власт. СДСМ бара општините да донесат програми за субвенционирање за набавка на еколошко греење во јавни објекти, субвенции за купување велосипеди, субвенции за чистење оџаци, за набавка на топлински пумпи, сончеви колектори, климатизери инвертер и други чисти технологии. Обезбедување и инсталирање на прочистувачи на воздух во сите општински градинки и училишта.

Во Скопје треба да се обезбедат нови еколошки автобуси. Локалните власти треба да им обезбедат на граѓаните таканаречено суво еколошко огревно дрво.

Во Македонија денеска воздухот е многу почист за разлика од претходните денови.