Тешка сообраајка на патот од Скопје за Тетово, во која животот го загуби триесетиедно годишен возач од Скопје, се случи вчера во претпладневните часови. 

Како што информира МВР, петнаесетина минути по 10 часот дошло до стравичен удар меѓу „фиат пунто“ и „фолксваген голф“, при што на местото на настанот починал младиот Л.Р. (31). 

- На 22.08.2023 околу 10.15 часот во СВР Скопје било пријавено дека на пат од Скопје за Тетово, кај с. Буковиќ, се случила сообраќајна несреќа помеѓу патничко моторно возило „фиат пунто“ со скопски регистарски ознаки управувано од Л.Р.(31) од Скопје и патничко моторно возило „фолксваген голф“ со скопски регистарски ознаки, управувано од Б.Д.(57) од Скопје. 

Од здобиените повреди на местото починал возачот на возилото „фиат пунто“ Л.Р., а смрт констатирал лекар од итна медицинска помош. 

Додека, возачот на возилото „голф“, Б.Д. бил пренесен во Комплекс клиники „Мајка Тереза“ каде му биле констатирани телесни повреди. Увид на местото на несреќата извршиле јавен обвинител и увидна екипа од СВР Скопје - пишува во билтенот на МВР.