Голем пад на директни странски инвестиции во првиот квартал. Според податоците од Народната банка на Република Македонија, првото тромесечје годинава влегле само 53 милиони евра , наспроти  80,2 милиони евра инвестиции во истиот период минатата година. Во 2012 година во државава се реализирале 104,8 милиони евра странски директни инвестиции, а во најголема мера се резултат на значителните одливи регистрирани од земјава кон странство. Годинава во март има 7,9 милиони евра инвестиции, во јануари имало 28,8 милиони евра, а во февруари 16,4 милиони евра, соопштуват од НБРМ. Според планот, Владата годинава планира да привлече инвестиции од 400 до 500 милиони евра. Неодамна Владата назначи и нов министер за странски инвестиции, Џери Наумоф кој со колегите Веле Самак и Бил Павлески ќе треба да ја подобри состојбата со странските инвестиции во земјава.