Стопанска банка - Скопје реагира на денешниот напис во грчкиот весник „Катимерини“, според кој Националната банка на Грција мора во рок од четири години да го продаде својот удел во најстарата банка во Македонија. Притоа, Стопанска банка ја информира јавноста дека не постојат официјални информации околу евентуална промена на сопственичката структура на Банката. „Добро познато е дека Стопанска банка АД - Скопје работи со континуиран успех и со финансиска независност од NBG групацијата и продолжува успешно да работи во согласност со регулативата и под супервизија на Народната Банка на Република Македонија“, стои во соопштението.