Реномираниот магазин International Banker ја оценува Стопанска Банка а.д Битола како една од водечките банки кои покажале врвни перформанси во Република Македонија, остварувајќи значителен пораст во бројот на клиенти и обемот на кредитни и платежни активности. Како резултат на севкупниот пораст на деловната активност на Банката, во текот на 2014 година, СТББТ успева да го зголеми и вројот на вработени. Магазинот го нотира и конзистентното унапредување на квалитетот на производите и услугите кои ги нуди Стопанска Банка а.д Битола. Преку учеството на банката во најголемите инвестициски програми на земјата, во делот на индустријата,електрификацијата, патната инфраструктура, земјоделието и туризмот, со текот на годините, успехот на СТББТ е директно поврзан со економската виталност на Република Македонија. Магазинот International Banker забележува дека голем уддел во впечатливиот развој на Банката има нејзиниот континуиран развој и понуда на нови производи и услуги. Изразениот и посебен пристап кон работата со физички лица е избор на банката преку кој таа позитивно се издвојува од конкурентските банки. Редовно се ревидира портфолиото на производи и услуги, за да се осигура компетитивноста. Истовремено, со ентузијазам се промовираат нови иновативни програми и производи, со цел привлекување на нови клиенти и надградба на постоечката база на клиенти. Магазинот ја оценува годината и како особено успешна за секторот за работа со правни лица на банката. СТББТ го зголемила своето корпоративно кредитно портфолио за 10.26%, додека депозитите се зголемиле за огромни 39.18%, со што се зацврстува лидерската позиција на пазарот. Секторот за работа со правни лица нуди широк спектар на кредитни производи и депозити со конкурентни каматни стапки, сериозна брзина и ефикасност во доделувањето на кредитите, со што се помагаат индивидуални планови за развој на правните лица. Магазинот се осврува и на 14. јасни стратегиски цели, кои ги има поставено Стопанска Банка а.д Битола за периодот 2014-2019 година. При поставувањето на целите, земени се во предвид потребите на клиентите, очекуваните промени на деловната клима, како и внатрешните проекции за пораст на банката. Банката ја потврдува нејзината посветеност кон клиентите и ја проширува својата мрежа на експозитури. Стопанска Банка а.д Битола има поставено и финансиски цели, помеѓу кои е просечен годишен пораст од 12.24% на вкупните средства на банката, како и годишен пораст од 12.14% на кредити на нефинансиски правни лица, со посебен осврт на кредитирање на мали и средни претпријатија. Анализата се осврнува и на вниманието кое Стопанска Банка а.д Битола го посветува на имплементирањето на најновите технологии во банкарскиот сектор, со што темелно ја прилагодува и развива својата достапност кон клиентите. Нотирана е и општествено одговорната улога на банката во македонското општество. Стопанска Банка а.д Битола е инволвирана во најразлични проекти и активности кои помагаат онаму каде што е најпотребно. На самиот крај на анализата, магазинот International Banker констатира дека, Стопанска Банка а.д Битола, покажува спремност, на најдобар можен начин, да се соочи со сите искушенија во наредниот период.