Стојко Пауновски, директорот на Државниот пазарен инспекторат, најави интерна истрага за инспекторите кои кои за фамозниот концерт на Петар Грашо запишале дека записникот е предаден десет минути по полноќ, а всушност го направиле во 21 часот и 30 минути, по што си заминале и не биле присутни за време на настанот.

Пауновски за Телевизија 24 вели дека внатрешната контрола ќе утврдува дали инспекторите ја прекршиле процедурата и следствено на тоа дали ќе има одговорност за нив.

Концертот кај Хераклеа се исполни до последно место и влегле околу две илјади луѓе, иако дозволено било присуство на само 600. 

Министерот за здравство, Венко Филипче, побара санкции за случајот.