Зошто државата со насилни и крајно непримерени методи и средства, надвор од законските рамки сака да им ја одземе на Србите во Македонија и последната институционална рамка и столб за зачувување на националните особености, и српската култура, духовност и традиција во Македонија - градоначалничко место во Старо Нагоричане?, пишува Иван Стоиљковиќ, претседателот на Демократската партија на Србите во Македонија во колумна објавена во српски Стандард.

Или можеби намерата за уставна прекомпозиција на Македонија, покрај отворениот антисрбизам на новата власт е вистинскиот мотив за ваквото однесување, додава тој во колумната. 

„Во последно време сѐ погласно од многу страни се слушаат пораки упатени што директно, што индиректно, дека нашата партија нема право да има градоначалник во Македонија и како тоа ние сме се осудиле и осудуваме да бараме подршка за нашиот кандидат за градоначалник на општина Старо Нагоричане. Како тоа Србите и помислиле дека може и треба да имаат свој градоначалник, иако тоа и досега се случувало и се случува во соработка со македонски партии. Што е целта на таквиот пристап? Сѐ поочигледно станува дека на истите не им смета кога некој друг на републичко ниво управува со половина од севкупните државните ресурси, а им смета градоначалник од Демократска партија на Србите, на убедливо најсиромашната општина во Република Македонија“ - наведува Стоиљковиќ.