Пратеникот од ВМРО-ДПМНЕ, Димитар Стевананџија вечерва во Само вистина на Канал 5 со неговиот колега Павле Богоевски се фатија во костец за двојазичноста.

Стевананџија рече дека ќе има казни за оние кои не го знаат албанскиот јазик, а Богоевски кажа дека како што се учи англиски јазик, може да се учи и албански јазик. 

„Берово и Прилеп се доминантно македонски, но тие не се острови, тие се во држава каде 25% се Албанци“, вели Богоевски. 

Стевананџија праша зошто по таа логика не бара да се учи македонски јазик во Лерин, на што Богоевски кажа дека тоа е внатрешно прашање на друга држава. 

На ова Стевананџија врати дека сајтот на Општина Струга нема македонски јазик.