Градоначалникот на Гази Баба, Бобан Стефковски, соопшти дека од рано утринава, се рушела уште една дивоградба во општина Гази Баба.

„ Станува збор за објект кој се градеше бесправно, а во моментот на интервенцијата беше во приземје – карабина фаза.  И покрај издадено решение од градежен инспектор, стопирање на градбата и затворање на градилиштето, субјектот продолжил со градежни активности, со што директно го прекрши Законот.  Акцијата започна во 05:00 часот наутро, по претходна координација со МВР и фирмата задолжена за рушење.  Дополнително, беше спречена изградба на уште два нови објекти, кои беа во почетна фаза – ископани темели, на истата локација, веднаш до објектот што се рушеше.  Во рок од само 7 дена, ова е втора акција за рушење на дивоградба!“, соопшти тој.

Стефковски апелираше до граѓаните да го почитуваат законот и да не започнуваат градење без соодветно одобрение од општината.