Во октомври се бележи годишен раст на вкупните депозити од 11,8 проценти, како и на вкупните кредити за 12,1 процент.

- Порастот на вкупните депозити, пред се, се должи на растот на депозитите кај домаќинствата, а растот кај кредитите произлегува од зголемените кредити на корпоративниот сектор.

Физичките лица најмногу земале потрошувачки и станбени кредити и кај нив е забележан годишен раст соодветно од 10,2 проценти и 16,1 проценти - се посочува во соопштението на Народна банка на Македонија. 

Од таму додаваат дека кај автомобилските кредити се бележи намалување на годишно ниво од 1,9 проценти.

Пад на годишно ниво бележат и кредитите одобрени на кредитни картички.

Бројките кои ги објави НБРСМ покажуваат дека вкупните депозити, односно парите кои граѓаните и компаниите ги чуваат во банките достигнува до 10,3 милијарди евра, а од друга страна вкупниот долг на граѓаните и компаниите кон банките е 8,7 милијарди евра.