Компанијата Ролис која ТВ 24 откри дека е еден од доверителите на ФЕНИ со реакција да медиумите негира дека во сопственичката структура има членови на семејствата на екс началникот на УБК Сашо Мијакјов и екс началникот на БЈБ Митко Чавков.

„Со оглед дека во текот на денот  во некои медиуми се појавија прилози во кои се споменува името на фирмата Ролис и ширење на одредени шпекулации и поврзаност на истата со фамилија Чавкови и Мијалкови, би сакале да ја информираме јавноста  дека во целост ги демантираме и отфрламе ваквите невистини“, велат од фирмата Ролис. 

Фирмата Ролис е во исклучителна сопственост на г-дин Горан Митев, бизнисмен, и единствен сопственик на оваа фирма, која нема апсолутна никаква поврзаност со споменатите фирми и имиња!  Со оглед  дека  од страна на оваа фирма се запазени сите законски процедури и почитување на сите закони, ги повикуваме јавно сите надлежни инспекции и органи да извршат контроли и да се уверат во исправноста и точноста на целокупната документација и законското работење! Од Ролис велат се работи  за шпекулации и клевети со цел да се осуети побарувањето кое Ролис го има во Фени индустри“.