Партијата ГРОМ која е во владината коалиција смета дека откажувањето на СЈО од случајот „Пуч“ кој се водеше против Зоран Заев и други обвините може да отвори врата за нови аболиции од претседателот Иванов.

- Образложението на СЈО за тоа зашто се откажува од обвинителскиот акт е обична „евтина манипулација“ со аргументи кои наводно само тие ги знаат и никој друг во државата. Згора на тоа што оваа аболиција, спротивно на важечките прописи, законот и Уставот, ја прави една неуставна институција како што е СЈО, рече Љупчо Пренџов од ГРОМ.

Ставовите кои ГРОМ се обидува да ги наметни се доста јасни, а тие најмногу им одговараат на владините функционери кои се гонат од СЈО, дека откажување од еден предмет создава некаква имагинативна правна еднаквост и дека по автоматизам сега сите ќе имаат право на наводна аболиција. 

Секако, СЈО имаше свое правно образложение и причини зошто се откажа од гонење на Пуч, а за тоа треба оценки кое се аргументирани да дава правната експертска јавност, не партиски членови.