Mинистерот за внатрешни работи, Оливер Спасовски денеска повика граѓаните да ги пријавуваат сите случаи на корупција за да можат истражните органи да преземат соодветни мерки за нејзино спречување и намалување. 

За случајот „Рекет“, Спасовски вели дека полицијата постапува според насоките добиени од Јавното обвинителство за гонење организиран и сериозен криминал.

„Да пријават и заеднички да се бориме против криминалот и корупцијата којшто ја јаде Македонија на секој можен начин. Ни ги јаде новите работни места, ја јаде и економијата и развојот на Македонија“, рече Спасовски. 

Порача дека еднаш засекогаш треба да се одвојат од другите оние кои работат криминално и за свои лични интереси. 

За случајот со земање рекет од бизнисмени две лица се во притвор, а од обвинителката Катица Јанева е одземен мобилниот телефон кој ќе се вештачи.