Генералниот секретар на СДСМ, Оливер Спасовски денеска по исказот во Обвинителството за насилствата во Собранието од 27 април изјави дека очекува одговорност за насилниците, но и за одговорните во Министерството за внатрешни работи. 

Тој објасни дека пред надлежниот обвнител ги опишал настаните во Собранието и очекува нападот на еден витален објект како што е Собранието да биде расветлен до крај. 

„Покрај одговорноста за насилниците кои нападнаа пратеници во Собранието очекувам дека обвинителството ќе ја утврди и командната одговорност во Министерството за внатрешни работи“ - вели Спасовски. 

Покрај Спасовски во Обвинителството беа и пратениците Радмила Шеќеринска и Маским Димитриевски кои исто така беа нападнати и се здобија со повреди. 

Во текот на денот се очекува исказ како оштетени да дадат уште двајца пратеници од СДСМ.

Претходно тоа го стори и лидерот на партијата, Зоран Заев.