Оливер Спасовски, министерот за внатрешни работи на Македонија, додека трае точката на дневен ред за негова интерпелација во Собранието рече дека полицијата во денешно време не апси функционери на ВМРО-ДПМНЕ, туку криминалци, одговарајќи на коментарите дека се прикриваат убиства.

 „Како прво, не апси МВР, туку обвинителството. А и кога апсиме, тоа не се функционери, туку криминалци на ВМРО-ДПМНЕ“, истакна Спасовски во своето обраќање пред пратениците.

Тој додаде дека откако е прв човек во МВР не е сокриено ниту едно убиство во Македонија, алудирајќи на времето на Гордана Јанкулоска, кога не се објави убиството на Мартин Нешкоски, односно кога се направи обид да се прикаже дека друга е причината за смртта на момчето.