Техничкиот премиер Оливер Спасовски денеска од Куманово објави дека на денешната владина седница ќе се донесе одлука дали ќе има 14-дневен карантин за овој град, кој процентуално има најголем број на заболени во Македонија, но вели дека најпрво треба да се слушне мислењето на стручната фела.

- Ги скенираме информациите и заклучоците. Ние сме Влада која не одлучува ништо без мислењето на стручната фела. Ќе го слушнеме нивното мислење и мислењето на општинските власти. Потоа Владата на седница ќе одлучи дали ќе се воведе барањето за 14-дневниот карантин на Куманово, вели Спасовски.

Одговарајќи на новинарско прашање рече дека има и други барања од општини за воведување на карантин и дека ситуацијата во Дебар и Куманово е различна, затоа што едниот град има 9.000 а другиот 120.000 жители.

Неговиот апел до граѓаните е да се почитуваат мерките и да нема групарања за велигденските празници и истите да се прослават дома во кругот на семејството.

„Немаме одлука за затворање на верските објекти ниту пак за непрактикување на верски обреди, тоа е недозволиво, но имеме ставови на МПЦ и ИВЗ. Да останеме дома во кругот на нашите семејства, така најмногу ќе придонесеме“, додаде Спасовски.

Тој рече дека уште пред две недели се донесени лекарски засилувања во Куманово. 

- Денеска се прави дополнитеелн скринининг со 210 тестоцви за испитување на здравствени работници во Куманово. Имаме 700 вработени во кумановска болница, но 44 се заболени, нагласи тој.