Минатата недела Советот за утврдување на факти соопшти дека Претседателот на Врховниот суд на Р.Македонија не и дозволи на Комисијата при Советот за утврдување на факти да влезе во судот заради остварување на увид во списите на предметите познати во јавноста како „Таргет - Тврдина“ и дека против Претседателот на Врховниот суд на Р.Македонија Јово Вангеловски Советот ќе поведе кривична постапка пред надлежен јавен обвинител.

Денес оттаму информираат дека е донесена одлука да се поднесе кривична пријава против Претседателот на Врховниот суд Јово Вангеловски.  

Истиот ден, согласно донесената Одлука, до надлежниот јавен обвинител поднесена е кривична пријава против Претседателот на Врховниот суд Јово Вангеловски, за сторено кривично дело кое според Кривичниот Законик се гони по службена должност.