Усвоен новиот Буџетот на Општина Крива Паланка. За 2013 година тој изнесува 345.574.146 денари.

Приходниот дел на Буџетот за 2013 година се состои од даночни и неданочни приходи, потоа капитални приходи, приходи од дотации, трансфери и приходи од донации.

Вкупните расходи на Буџетот за 2013 година изнесуваат 394.636.303 денари од кои за утврдени намени се издвоени вкупно 394.036.303 денари и за резерви 600.000 денари.

Третиот дел од Буџетот го содржи дефицитот кој изнесува 49.062.157 денари и четвртиот дел од Буџетот е финансирање во износ од 49.062.157 денари и тоа од домашни приливи во износ од 51.562.157 денари и одлив, односно отплата на главница во износ од 2.500.000 денари.

Приходите на Буџетот по видови на приходи се утврдени во билансот на приходите, а расходниот дел по основни намени е утврден во билансот на расходи.