Состојбата со коронавирусот во земјава се смирува
Првиот човек на Министерството за здравство, Венко Филипче вели дека состојбата со коронавирусот во земјава се смирува.
Вели дека епидемиолошката крива оди надолу, а бројот на нови случаи последниве денови опаѓа.
„Спласнува притисокот врз болниците, иако не се целосно ослободени голем број на одделенија, бидејќи карактеристично за овој бран е влошувањата кај пациентите да настапуваат малку покасно, па оттука циклусот на ослободување на болничките капацитети доаѓа 2-3 недели подоцна. Апелирам на максимална внимателност и во периодот кој ни претстои“, напиша Филипче.
За едно деноноќие во Македонија има 603 нови случаи и 39 починати. Денеска скоро сите починати се повозрасни граѓани. Вчера здравствените власти информираа за 47 починати.
Слично
Поврзани вести
