Министерството за животна средина соопшти дека во континуитет се следи критичната состојба со намалувањето на нивото на водата во Преспанското Езеро и се преземаат активности во рамки на надлежностите, а најавува и дека следната неделаќе се одржи координативна средба на национално ниво.

Станува збор за Планот за управување со сливот на Преспанското Езеро, а за истиот на состанокот ќе присуствуваат претставници од научната јавност, општината Ресен, Управата за хидрометеролошки работи, министерството, граѓанските организации активни во регионот и сите засегнати страни во имплементацијата.

„Целта е во најкус можен рок да се изврши иницијална експертска анализа на причините за состојбата и можните следни чекори за следење и подобро управување со водостојот на Преспанското Езеро“, соопштуваат од министерството.

Се иницира и процесот на воспоставување на Комитетот за управување на Преспа Паркот и е во процес на обезбедување номинации од страна на земјите членки: Северна Македонија, Албанија и Грција.