За во понеделник е одложена собраниската шестта седница на чиј дневен ред е разрешувањето на јавниот обвинител Марко Зврлевски.

Спикерот Џафери ја откажал денешната седница не се знае зошто а истата е закажана за во понеделник во 11:00 часот.

Денеска требаше да се разгледува и  Предлог одлуката за давање согласност на општите акти на Народниот правобранител.

Вчера опозицијата формираше 10 пратенички групи и така пратениците се расцепкаа при што сега не може да се предвиди кога ќе дојде на ред разрешувањето на Зврлевски бидејќи секој од пријавените пратеници има право и на реплики и процедурални забелешки гласањето за разрешувањето на Зврлевски може да се одолговлечи.

Според собранискиот Деловник, координаторите на пратеничките групи имаат право на дискусија од 15 минути и да побараат процедурална забелешка уште 3 минути.