Законодавниот дом денес треба да ја продолжи 29та седница на чиј дневен ред се повеќе закони по скратена постапка.

Како што информираат од Собранието, на дневен ред се ставени измените и дополнувањата на Законот за лична карта по скратена постапка, а пред пратениците ќе се најде и Предлогот на закон за задолжување на Република Северна Македонија со заем кај Меѓународната банка за обнова и развој – Светска банка по Договорот за заем за финансирање на Проектот за унапредување на основното образование.

На дневен ред се предлог законите за изменување и дополнување на Законот за трговските друштва, на Законот за метрологијата, на Законот за заштита и благосостојба на животните и на Законот за идентификација и регистрација на животните, но и  како и предлог законите за изменување и дополнување на Законот за библиотеките, Законoт за заштита на културното наследство и на Законот за прекршоците, сите по скратена постапка.