Два стана во Скопје пријавил во имотниот лист привремениот претседател на Државната изборна комисија.

Од нив едниот е 59 квадратни метри и се проценува на скоро 3,5 милиони денари, а вториот е 76 квадрати се проценува на 4,5 милиони денари.

Деркоски кој ја има задачата да го организира референдумот вози автомобил Цитроен Ц3 2010/2013.

На свое име Деркоски има и кредит од 2,5 милиони денари.

Како имот на родителите во Прилеп привремениот претседател на ДИК пријавил куќа во родниот град.

Оливер Деркоски е член на ВМРО ДПМНЕ, и поранешен директор на „Македонски железници - Транспорт“ а ја извршувал и функцијата неизвршен директор на АД Водостопанство на РМ - Скопје.