Родното место на музичката легенда Тоше Проески оваа Нова година ќе биде преполно со туристи. Така барем навесуваат од хотелите и приватните сместувалишта.

Се бара место повеќе, но она што ќе им фали на оние кои ќе ја дочекаат 2020 година таму е извесно дека ќе биде снегот.

Метеоролошките специјализирани сајтови не ветуваат снег да падне за Нова година во Крушево.

Според „Акуведр“ , времето таму деновиве ќе биде претежно сончево, но и облачно.

Температурите таму денеска ќе се движат од -1 преку ден па до -9 ќе се спуштат во текот на ноќта.

Последниот ден од оваа календарска година таму времето ќе биде претежно сончево со температури до 2 степени преку ден, додека вечерните ќе се движат до -6 степени Целзиусови.

Што се однесува до забавната програма, Крушевчани, но и туристите на плоштадот ќе ги забавува Викторија Лоба.