Во земјава денеска ќе пристигне седмата ротација од 25 припадници на полицијата од Република Словачка кои заедно со македонската полиција ќе спроведуваат патролни активности на македонско-грчката граница. 

Мандатот на словачката полициска мисија ќе биде месец дена,  со можност за продолжување.

Ова се прави со цел превенција во областа на јавната безбедност и неовластено преминување на државната граница.

Словачката полициска единица ќе биде распоредена во областа околу Дојранското Езеро, а е соодветно опремена со теренски возила, термални камери и уреди за ноќно гледање.

Врз основа на потпишаниот Меморандум за разбирање меѓу министерствата за внатрешни работи на Македонија и на Словачка, досега во Македонија се испратени 175 полициски службеници од Словачка почнувајќи од март минатата година.