СЛЕДНА НА РЕД Е ЗГРАДАТА НА УЛИЦА НИКОЛА ПАРАПУНОВ: Јакимовски беше во инспекција и испрати силна порака до граѓаните
Градоначалникот на Карпош беше во инспекциски надзор на улицата Козле.
„Денес, заедно со градежниот инспектор и раководителот на Инспекторатот, излеговме на терен – улица Козле бр.17.
Извршивме увид на настрешница поставена на зграда со рамна плоча. Иако дел од станарите добиле одобрение за кос покрив поради наводно течење, утврдивме дека изведбата НЕ е согласно одобрениот проект!
Просторот е поделен на 4 дела – со подготовки за кујни и тоалети – што јасно укажува на обид да се направат уште 4 нови станови, и незаконски да се добие уште еден кат во објектот!
Инспекторот изготви записник, а ќе следи и решение за уривање, или обврска граѓаните сами да ја отстранат оваа дивоградба!
Контрола направивме и во гаражниот простор, каде повторно се утврдија градежни активности спротивно на одобрението!
Ги повикувам граѓаните:
НЕ влегувајте во вакви авантури!
Ни малку не ме радува кога ќе слушнам дека некој потрошил десетици илјади евра, а притоа го прекршил законот – тие пари ќе завршат во ветер!
Проектите мора да се изведуваат СТРОГО според одобрението за градба!
Законите важат за сите!
Продолжуваме со инспекциите – следна на ред е зградата на улица Никола Парапунов и гаражниот простор таму“, напиша тој на фејсбук.
Слично
Поврзани вести
