Претседателот на Советот на Град Скопје, Трајко Славески ги повика приватните превозници да не наседнуваат на манипулациите на градоначалничката Данела Арсовска и вели дека таа е непредвидлива. 

„Може да го направи истото што го направи со вашите претходници од пред 2 години, кога им ги укина лиценците. Може да останете на улица, може да останете без леб“, вели тој. 

Славески упати порака до Арсовска, но и до Владата. 

„Доколку оваа состојба ескалира заради инаетот на Арсовска, бидејќи е прогласена вонредна состојба, Владата има мерки, има инстументи да го реши овој проблем- така што Арсовска не може да се поигрува со граѓаните, нивните судбини, нивната можност да стигнат до работното место“, рече Славески.

Минатата недела, Владата позајми нафта на ЈСП, со цел да можат да сообраќаат на скопските улици. Претходно, два дена владееше хаос и граѓаните со часови чекаа автобуси. 

„Славевски никогаш не успеал да собере храброст самиот да донесе одлука, а овој пат бара поддршка од мене - ја има“, рчее  Арсовска, по објавата на претседателот на градското собрание Трајко Славески за барањето на приватните превозници за зголемување на цените. Таа бара оваа точка да ја стават на дневен ред и да се види дали советниците ќе дадат поддршка.