Почнувајќи од понеделник па сé до средината на следната седмица територијата на Македонија ќе биде под влијание на силно јужно воздушно струење кои ќе предизвика прилив на многу топол и влажен воздух од југ. 

Поради тоа, во понеделник времето ќе биде променливо облачно и топло со повремени локални врнежи од дожд особено во западните предели каде ќе има услови и за ретки грмежи. Ова е првичната прогноза на стужанецот кој ги предведе поплавите во агвуст, пренесува Макфакс.

Според него во вторник и во среда врнежи од дожд ќе има над целата територија на Македонија. На некои места врнежите ќе бидат обилни и се очекува да наврне големо количетво воден талог (над 60 литри на квадратен метар).

Локално ќе се развива конвективна облачност, којашто ќе биде проследена со поројни врнежи од дожд и грмежи.

Поради нееднаквоста на воздушниот притисок, во Македонија ќе биде многу ветровито, односно ќе дува умерен до засилен на некои места повремено силен ветер од јужен и од југозападен правец, кој ќе достигнува брзина од над 60 километри на час.

Температурите поради силното воздушно струење ќе бидат многу високи, невообичени за овој период од годината и ќе се движат во интервал од 15 до 23 Целзиусови степени.

Заладување на времето ќе има од среда во вечерните часови и во текот на ноќта кон четврток. Што точно ќе донесе ова заладување останува да го следиме понатамошниот развој на времето. Детали околу заладувањето наскоро.