За време на викендот во Македонија ја очекуваме конечната стабилизација на времето. Што значи дека за време на викендот времето ќе биде претежно стабилно, суво и сончево со мала до умерена локална облачност, вели метеорологот Славчо Попоски.

„Ќе дува слаб до умерен ветер од променлив правец, а не се исклучува можноста да има  и сосема мали исклучоси, со ретка појава на сосема краткотраен дожд и ретки грмежи (ништо сериозно).

Во Скопје  и околината очекуваме слично време. Претежно стабилно, суво и сончево со мала до умерена локална облачност, како и со слаб до умерен ветер од променлив  правец.

Што се однесува до температурите, тие ќе бележат тенденција на пораст, и максималните дневни температури ќе се искачуваат во интервалот од 16 до 24 степени, а уште потопло ќе биде во недела кога максималните температури ќе се искачуваат во интервалот од 21 до 27 степени.

Уживајте во пролетното топло и претежно стабилно и суво време за викендот кој доаѓа“, напиша Попоски.